近年好多學校都開始推動自主語文學習，希望學生唔只係「上堂學」，而係喺課堂以外，都願意主動接觸同使用英語、普通話。

不過，現實情況都存在實際困難：

好多學校本身已經有電子閱讀平台、AI 語文資源，甚至有唔少英文同普通話活動，但學生真正「開口講」嘅機會，未必真係想像中咁多。

原因未必係學生懶，而係缺少一個適合練習語文嘅環境。

例如：

• 課室人太多，學生怕讀錯俾全班聽到；
• 圖書館雖然安靜，但未必適合做 speaking；
• 小組活動容易互相影響；
• 學生錄音、朗讀時容易受干擾。

結果變成有平台、有教材，但學生始終唔夠放膽開口。

語文學習，其實好需要「講」

語文學習同其他科有少少唔同。

數學可以自己做練習，但語文好多時需要讀出聲、聽自己發音、同人互動、重覆練習、錄音再聽返；尤其係Speaking部份，更加需要學生願意「開口」。

教育局推出「自主語文學習津貼」，其實都好強調學生要喺課堂以外持續接觸同使用語言，同時建立校園語言環境。

而教育局提到嘅活動方向，例如：朗誦、講故事、演講、話劇、Podcast、廣播劇等，其實幾乎全部都同「語言表達」有關。

所以近年愈來愈多學校開始留意：除咗教材同平台，校園有冇一個真正適合學生開口練習語文嘅空間。

延伸閱讀：自主語文學習津貼｜學校最關心嘅問題：點先算真正配合「自主學習」？

有時，學生只係需要一個冇咁大壓力嘅環境

有啲老師都會發現，同一個學生，喺課堂可能好少主動答問題，但換咗去小組環境，或者錄音活動時，反而願意講多好多。

原因其實好簡單。

如果學生覺得周圍太多人、一開口全班聽到、容易被人注視，自然會更加怕講錯。

相反，如果有一個較安靜、干擾較少，可以慢慢試、重覆錄音，仲可以做小組互動嘅環境，學生通常會自然願意講多啲。

所以，而家部分學校開始規劃：

• 圖書館語文角
• speaking zone
• 小組共讀空間
• Podcast／廣播劇活動區
• 配合影音設備嘅自主學習區

目的並唔係要取代課堂，而係希望學生喺課堂以外，都有地方可以自己朗讀、做 speaking、小組練習或者演講排練。

Contex靜音艙：語文自主學習空間，重點其實係「營造使用場景」

Contex 提供嘅並唔係語文教材或者 AI 系統。

而係透過：靜音艙 + 顯示屏 + 影音設備

協助學校建立一個適合學生進行語文活動嘅空間。

學校可以按需要，配合：

• 現有電子學習平台
• AI 語文平台
• 電子閱讀資源
• 朗讀內容
• Podcast 活動
• 校本語文教材等使用

重點唔係「設備有先進」，而係點樣令學生更容易投入同持續使用語言。

常見校園應用例子

圖書館英語朗讀角

有啲學校本身已經有電子閱讀平台，但學生好多時只係「睇」，未必真係會朗讀。

如果配合一人語音練習空間，學生就可以自己讀出聲、錄音重聽、重覆練習發音。對於怕醜或者唔敢喺全班面前講英文、普通話嘅學生，其實幾有幫助。

普通話小組共讀活動

有老師講過，學生其實幾鍾意角色扮演。

如果喺小組學習空間入面做故事朗讀、角色對話，說故事活動，參與感通常會高好多。

而多人靜音艙空間亦較適合學生互相聆聽、分角色朗讀，同時減少對其他同學造成干擾。

Podcast／廣播劇活動

近年愈來愈多學校開始接觸 Podcast 或廣播劇活動。因為學生唔只係讀稿，而係需要自己組織內容、開口錄音，然後聽返自己表現，再慢慢改善。

其實好符合自主學習方向，同時亦結合閱讀、寫作、說話同聆聽幾方面能力。

演講／朗誦排練

好多學校都會安排英文演講、普通話朗誦或者說故事比賽，但學生放學後未必有固定地方練習。

如果有一個較低干擾嘅空間，學生就可以自己排練、錄音、練語氣同節奏，慢慢建立自信。

語文自主學習空間，其實未必要好大

好多學校而家都係由細直間開始規劃。例如：

• 圖書館一角；
• 活動室；
• 課室旁空間；
• 開放式學習區；

再慢慢按校本需要發展。重點唔係空間有幾大，而係學生有冇一個願意開口嘅環境，可以持續使用語言嘅地方。

Contex 靜音艙由一人至多人尺寸都有，學校可以按校園空間同實際用途靈活配置，例如設於圖書館、語文角、活動室，甚至部分室外位置，善用校園空間。

而且相比傳統固定房間，靜音艙日後如遇到校園改建、空間重新規劃，亦可按需要搬遷及重新配置，對學校長遠發展會更有彈性。

了解更多Contex靜音艙

自主語文學習，最終都係想學生「願意講、多啲講」

而家愈來愈多學校開始重視：

• 課堂以外語言接觸
• 自主學習習慣
• 校園語言氛圍
• 學生主動開口

尤其教育局方向亦提到，希望豐富校園語言環境，同培養學生自主學習能力。

所以未來語文學習，很多時已經唔只係「上堂學咗幾多」，而係學生平時有冇更多機會自然使用語言。

而要做到呢件事，除咗平台、教材同活動，一個合適嘅學習環境，其實都好重要。

Contex 希望透過語文自主學習空間及影音配套，協助學校建立一個更自然、更低壓力、更適合學生開口使用語言嘅學習環境。